In Grischun da buna luna e realisader

Dapi biars onns s’engaschel jeu per la societad e per la politica. Jeu hai bugen la glieud. Lur basegns e giavischs, lur panzieris e quitaus dattan a mi di per di motivaziun per mia lavur. La politica, denton era l’economia, astgan buca pesequitar mo interess particulars, anzi duein star en survetsch dil concarstgaun. Nus stuein far punts e buca divider la societad. Gest perquei eis ei per mei da muntada centrala da contonscher da cuminonza soluziuns equilibradas. Dapi mia affonza dat quei forza e motivaziun.

La Surselva ei mia patria ed aunc oz miu liug da recreaziun e refugi. Cheu gaudel jeu excursiuns, turas da velo e naturalmein il sport d’unviern: Mia famiglia dat a mi inspiraziun, tegn e sustegn.