… per las famiglias e las valurs

Per ina convivenza funcziunonta en nossa societad drova ei fermas famiglias. Fundar ina famiglia astga buca menar a paupradad. Bunas cundiziuns generalas per famiglias ed il stan miez ein in factur da success per la Svizra. Famiglias drovan daners, temps ed infrastructuras. La discriminaziun fiscala dalla lètg visavi autras fuormas da viver sto vegnir eliminada. La cumpatibilitad da professiun e famiglia ei oz da muntada centrala per biars giuvens geniturs. Quei ei da risguardar. Ei basegna perquei vastas offertas per la tgira d’affons ordeifer la famiglia. La finanziaziun indicada per canortas d’affons sto vegnir cuntinuada. La famiglia tradiziunala astga denton buca vegnir disavantagiada.

Las diversas fuormas da famiglia ein oz in fatg ed quellas dueien era saver viver. Era per babs duei ei esser pusseivel – suenter la naschientscha d’in affon – da sustener senza sperditas finanzialas las mummas. L’introducziun d’in congedi paternal da duas jamnas, che duei vegnir pagaus neutralisont dalla Cassa da cumpensaziun, ei da responsar e sa vegnir finanziaus. Era duei nossa societad puspei vegnir encuraschada pli fetg per sustener in l’auter, el senn da promtadad d’agid viviu, e da profitar viceversa dad experientschas e pusseivladads. Era la societad moderna drova solidaritad ed engaschi voluntari. Ei fuss uras ch’era il stadi renconuschess quei agid voluntari cun ina distincziun.

Ils cuosts per la sanadad, che creschan adina dapli, ein per biaras famiglias in problem pesont. Nies sustegn da sanadad ensiara stimuls falli che ston vegnir eliminai. Senza reducziun da qualitad e prestaziun savessen ins spargnar en – tenor ina studia – tochen 6 milliardas francs che pudessen vegnir dabien allas famiglias. Tier premias per cassas da malsauns, che creschan annualmein per 4 %, fuss ei neras uras ch’ins prendess mesiras. La pcd ha perquei lantschau ina iniziativa populara da frenar ils cuosts per la sanadad. Cheutras dueien tuts pertuccai vegnir sfurzai da renunziar ad interess particulars per aschia reformar da cuminonza il sanadadesser svizzer. Las famiglias ein urgentamein dependentas da quei.

Mias intervenziuns parlamentaras tier quei tema:

18.4056 – Motion; Ausbildungszulagen für alle Jugendlichen bis 18 bringt Erleichterungen für Familien und Firmen
https://www.parlament.ch/de/ratsbetrieb/suche-curia-vista/geschaeft?AffairId=20184056

14.415 – Parlamentarische Initiative; Zwei Wochen über die EO bezahlten Vaterschaftsurlaub
http://www.parlament.ch/d/suche/seiten/geschaefte.aspx?gesch_id=20140415

14.3597 – Motion; Steuerrabatt anstelle von Steuerabzug
http://www.parlament.ch/d/suche/seiten/geschaefte.aspx?gesch_id=20143597

13.3922 – Motion; Ausbildungszulagen für alle Jugendlichen bis 18 Jahre
http://www.parlament.ch/d/suche/seiten/geschaefte.aspx?gesch_id=20133922