15.04.2012 / Medien / /

Managed Care: A favur dils pazients!Managed Care: A favur dils pazients!Managed Care: A favur dils pazients!

Ils 17 da zercladur 2012 votein nus sur dalla revisiun dalla lescha davart l’assicuranza da malsauns, court sur dalla fatschenta „Managed Care“. Per tgei va ei? Las prestaziuns ella sanitad duein vegnir optimadas cun promover models da provediment integrai. Dapli miedis duein separticipar vid aschinumnadas reits da provediment integrau ed ils segirai duein far part pli stedi da talas reits. Las reits da miedis ston garantir igl access tier tut las prestaziuns dalla segirada da malsauns obligatoria. Ils pazients vegnan tgirai da lur miedi ch’els han elegiu sez ella reit da provediment integrau ed aschia vegnan las prestaziuns coordinadas e survigiladas. Quella restricziun voluntaria dalla libra schelta da miedis tenor situaziun ni gust e luna vegn gia oz compensada cun premias pli bassas.

Da niev duei cun la fatschenta “Managed Care” era la resalva persunala, che vegn subtrahada suenter haver pagau l’entira franschisa, vegnir reducida. Quella duei muntar egl avegnir annualmein a 10% maximal fr. 500.-. Oz munta la resalva persunala per tuts, independentamein dil model da segirada, a 10% maximal fr. 700.-. Tuts segirai che han gia oz in model da miedi da casa, el Grischun Grisomed, ni vegnan a serrar giu in tal, vegnan a profitar egl avegnir era finanzialmein da quella revisiun dalla lescha cunquei che la resalva persunala maximala vegn reducida. Il model da segirada senza restricziun sin in miedi da casa resta. La resalva persunala vegn egl avegnir alzada levamein. Quella duei muntar annualmein a 15% maximal fr. 1000.-. Mintga singul pazient, che siara per tgei motivs era adina buc giu in model da miedi da casa ed aschia in tractament coordinau, ha per sia schelta cumpleinamein libra dil miedi sil pli bia cuosts annuals supplementars da fr. 300.-. Quella summa ei en vesta alla purschida segir buca surfatga.

La fatschenta “Managed Care” preveda ultra da quei ulteriuras midadas impurtontas. Aschia duei l’ulivaziun dalla resca denter las segiradas da malsauns reducir la catscha suenter “bunas rescas”, pia segirai sauns e plitost giuvens. Tier l’ulivaziun da resca denter las segiradas da malsauns vegnan perquei sper la vegliadetgna e la schlatteina dapi uonn era la dimora el spital ed en casa da tgira da minimum treis dis egl onn precedent risguardada. Entras la fatschenta “Managed Care” duei il cussegl federal survegnir la cumpetenza da risguardar ulteriurs criteris.

Fatg ei che gia oz desistan 40% da tuts segirai voluntariamein sin la schelta cumpleinamein libra dil miedi ed han in model da provediment integrau. Quei muossa bein che “Managed Care” ei la dretga via, ina buna ballontscha denter il beinstar dil pazient e dils cuosts. Segirai che sedecidan per ina varianta coordinada ed economica vegnan remunerai. Segirai che vulan ina schelta cumpleinamein libra dil miedi, pia in cert autosurvetsch (Selbstbedienung), ston prender en cumpra ina resalva persunala levamein pli aulta. Ed aunc enzatgei: La pli gronda segirada da malsauns dalla Svizra ha fatg in’analisa davart il diember da furniturs da prestaziuns per segirau. 20% dils segirai han consultau igl onn 2010 dapli che 6 e 5.5% dils segirai, quei ein 65’000 persunas, han consultau dapli che 10 differents furniturs da prestaziuns. Quei ein surtut miedis. Quellas cefras duessen dar da patertgar a nus, finanziein nus bein tuts a moda solidara quella schelta “cumpleinamein libra” dil miedi. Sche nus lein impedir ina reducziun dil catalog da prestaziuns ella segirada obligatoria, lu stuein nus nezegiar potenzials existents tier igl access a prestaziuns medicinalas. Per quei s’engaschel jeu cun perschuasiun! Schei era Vus GIE a quella fatschenta prudenta da “Managed Care” e schei buc tschorventar d’arguments emoziunals e pauc fundai dils adversaris. Mo engaschi muenta!

LQ, Venderdis 13-04-12
Ils 17 da zercladur 2012 votein nus sur dalla revisiun dalla lescha davart l’assicuranza da malsauns, court sur dalla fatschenta „Managed Care“. Per tgei va ei? Las prestaziuns ella sanitad duein vegnir optimadas cun promover models da provediment integrai. Dapli miedis duein separticipar vid aschinumnadas reits da provediment integrau ed ils segirai duein far part pli stedi da talas reits. Las reits da miedis ston garantir igl access tier tut las prestaziuns dalla segirada da malsauns obligatoria. Ils pazients vegnan tgirai da lur miedi ch’els han elegiu sez ella reit da provediment integrau ed aschia vegnan las prestaziuns coordinadas e survigiladas. Quella restricziun voluntaria dalla libra schelta da miedis tenor situaziun ni gust e luna vegn gia oz compensada cun premias pli bassas.

Da niev duei cun la fatschenta “Managed Care” era la resalva persunala, che vegn subtrahada suenter haver pagau l’entira franschisa, vegnir reducida. Quella duei muntar egl avegnir annualmein a 10% maximal fr. 500.-. Oz munta la resalva persunala per tuts, independentamein dil model da segirada, a 10% maximal fr. 700.-. Tuts segirai che han gia oz in model da miedi da casa, el Grischun Grisomed, ni vegnan a serrar giu in tal, vegnan a profitar egl avegnir era finanzialmein da quella revisiun dalla lescha cunquei che la resalva persunala maximala vegn reducida. Il model da segirada senza restricziun sin in miedi da casa resta. La resalva persunala vegn egl avegnir alzada levamein. Quella duei muntar annualmein a 15% maximal fr. 1000.-. Mintga singul pazient, che siara per tgei motivs era adina buc giu in model da miedi da casa ed aschia in tractament coordinau, ha per sia schelta cumpleinamein libra dil miedi sil pli bia cuosts annuals supplementars da fr. 300.-. Quella summa ei en vesta alla purschida segir buca surfatga.

La fatschenta “Managed Care” preveda ultra da quei ulteriuras midadas impurtontas. Aschia duei l’ulivaziun dalla resca denter las segiradas da malsauns reducir la catscha suenter “bunas rescas”, pia segirai sauns e plitost giuvens. Tier l’ulivaziun da resca denter las segiradas da malsauns vegnan perquei sper la vegliadetgna e la schlatteina dapi uonn era la dimora el spital ed en casa da tgira da minimum treis dis egl onn precedent risguardada. Entras la fatschenta “Managed Care” duei il cussegl federal survegnir la cumpetenza da risguardar ulteriurs criteris.

Fatg ei che gia oz desistan 40% da tuts segirai voluntariamein sin la schelta cumpleinamein libra dil miedi ed han in model da provediment integrau. Quei muossa bein che “Managed Care” ei la dretga via, ina buna ballontscha denter il beinstar dil pazient e dils cuosts. Segirai che sedecidan per ina varianta coordinada ed economica vegnan remunerai. Segirai che vulan ina schelta cumpleinamein libra dil miedi, pia in cert autosurvetsch (Selbstbedienung), ston prender en cumpra ina resalva persunala levamein pli aulta. Ed aunc enzatgei: La pli gronda segirada da malsauns dalla Svizra ha fatg in’analisa davart il diember da furniturs da prestaziuns per segirau. 20% dils segirai han consultau igl onn 2010 dapli che 6 e 5.5% dils segirai, quei ein 65’000 persunas, han consultau dapli che 10 differents furniturs da prestaziuns. Quei ein surtut miedis. Quellas cefras duessen dar da patertgar a nus, finanziein nus bein tuts a moda solidara quella schelta “cumpleinamein libra” dil miedi. Sche nus lein impedir ina reducziun dil catalog da prestaziuns ella segirada obligatoria, lu stuein nus nezegiar potenzials existents tier igl access a prestaziuns medicinalas. Per quei s’engaschel jeu cun perschuasiun! Schei era Vus GIE a quella fatschenta prudenta da “Managed Care” e schei buc tschorventar d’arguments emoziunals e pauc fundai dils adversaris. Mo engaschi muenta!

LQ, Venderdis 13-04-12
Ils 17 da zercladur 2012 votein nus sur dalla revisiun dalla lescha davart l’assicuranza da malsauns, court sur dalla fatschenta „Managed Care“. Per tgei va ei? Las prestaziuns ella sanitad duein vegnir optimadas cun promover models da provediment integrai. Dapli miedis duein separticipar vid aschinumnadas reits da provediment integrau ed ils segirai duein far part pli stedi da talas reits. Las reits da miedis ston garantir igl access tier tut las prestaziuns dalla segirada da malsauns obligatoria. Ils pazients vegnan tgirai da lur miedi ch’els han elegiu sez ella reit da provediment integrau ed aschia vegnan las prestaziuns coordinadas e survigiladas. Quella restricziun voluntaria dalla libra schelta da miedis tenor situaziun ni gust e luna vegn gia oz compensada cun premias pli bassas.

Da niev duei cun la fatschenta “Managed Care” era la resalva persunala, che vegn subtrahada suenter haver pagau l’entira franschisa, vegnir reducida. Quella duei muntar egl avegnir annualmein a 10% maximal fr. 500.-. Oz munta la resalva persunala per tuts, independentamein dil model da segirada, a 10% maximal fr. 700.-. Tuts segirai che han gia oz in model da miedi da casa, el Grischun Grisomed, ni vegnan a serrar giu in tal, vegnan a profitar egl avegnir era finanzialmein da quella revisiun dalla lescha cunquei che la resalva persunala maximala vegn reducida. Il model da segirada senza restricziun sin in miedi da casa resta. La resalva persunala vegn egl avegnir alzada levamein. Quella duei muntar annualmein a 15% maximal fr. 1000.-. Mintga singul pazient, che siara per tgei motivs era adina buc giu in model da miedi da casa ed aschia in tractament coordinau, ha per sia schelta cumpleinamein libra dil miedi sil pli bia cuosts annuals supplementars da fr. 300.-. Quella summa ei en vesta alla purschida segir buca surfatga.

La fatschenta “Managed Care” preveda ultra da quei ulteriuras midadas impurtontas. Aschia duei l’ulivaziun dalla resca denter las segiradas da malsauns reducir la catscha suenter “bunas rescas”, pia segirai sauns e plitost giuvens. Tier l’ulivaziun da resca denter las segiradas da malsauns vegnan perquei sper la vegliadetgna e la schlatteina dapi uonn era la dimora el spital ed en casa da tgira da minimum treis dis egl onn precedent risguardada. Entras la fatschenta “Managed Care” duei il cussegl federal survegnir la cumpetenza da risguardar ulteriurs criteris.

Fatg ei che gia oz desistan 40% da tuts segirai voluntariamein sin la schelta cumpleinamein libra dil miedi ed han in model da provediment integrau. Quei muossa bein che “Managed Care” ei la dretga via, ina buna ballontscha denter il beinstar dil pazient e dils cuosts. Segirai che sedecidan per ina varianta coordinada ed economica vegnan remunerai. Segirai che vulan ina schelta cumpleinamein libra dil miedi, pia in cert autosurvetsch (Selbstbedienung), ston prender en cumpra ina resalva persunala levamein pli aulta. Ed aunc enzatgei: La pli gronda segirada da malsauns dalla Svizra ha fatg in’analisa davart il diember da furniturs da prestaziuns per segirau. 20% dils segirai han consultau igl onn 2010 dapli che 6 e 5.5% dils segirai, quei ein 65’000 persunas, han consultau dapli che 10 differents furniturs da prestaziuns. Quei ein surtut miedis. Quellas cefras duessen dar da patertgar a nus, finanziein nus bein tuts a moda solidara quella schelta “cumpleinamein libra” dil miedi. Sche nus lein impedir ina reducziun dil catalog da prestaziuns ella segirada obligatoria, lu stuein nus nezegiar potenzials existents tier igl access a prestaziuns medicinalas. Per quei s’engaschel jeu cun perschuasiun! Schei era Vus GIE a quella fatschenta prudenta da “Managed Care” e schei buc tschorventar d’arguments emoziunals e pauc fundai dils adversaris. Mo engaschi muenta!

LQ, Venderdis 13-04-12