24.02.2018 / Medien / /

Interpresas dalla confederaziun en discussiun

Avon duas jamnas ha l’interpresa Auto da Posta communicau d’haver retratg memia bia indemnisaziuns dils cantuns e dalla confederaziun, cunquei ch’ei seigi buca vegniu cudischau conform alla lescha. Ina novitad che negin havess spitgau. L’interpresa Auto da Posta che stat per patria, identitad, periferia, vacanzas e punctualitad ha cuglienau. Il cussegl d’administraziun da La Posta ha fatg paleis l’jamna vargada che las instanzas da controlla hagien disdiu e ch’el vegni a sclarir il cass en detagl e fetg transparent. In tal cass ei da grond donn per las interpresas dalla confederaziun, las qualas stuessen urgentamein ir cun il bien exempel ordavon. Leger vinavon: lq_2018-02-23 (002)