07.07.2013 / Medien / /

Il cumbat per ina lescha raschuneivla ei pér all’entschattaIl cumbat per ina lescha raschuneivla ei pér all’entschattaIl cumbat per ina lescha raschuneivla ei pér all’entschatta

L’jamna vargada ha il cussegl federal tarmess il sboz per la lescha da secundas habitaziuns en consultaziun. Davart dallas regiuns da muntogna ei la lescha vegnida ludada, per miu gust empau fetg. La seniastra agescha ina ga dapli cun pauc giudezi per motivs categorics e fundamentalistics e smanatscha gia cun il referendum. Tochen ils 20 d’october cuoza la consultaziun. La fin 2013 ni l’entschatta 2014 duei il messadi per la nova lescha vegnir deliberaus dil cussegl federal per mauns dallas duas combras federalas. Igl ei tgunsch pusseivel che quella fatschenta vegn ad occupar il parlament duront igl entir onn proxim. Tgei ein ils pli impurtont puncts da quella lescha?

Hotellaria
Per la hotellaria ein duas excepziuns previdas. L’emprema excepziun lubescha da far habitaziuns secundaras per finanziar projects da hotel ni per segirar il menaschi d’in hotel. La surfatscha da quellas habitaziuns astga esser sil pli bia 20% dalla surfatscha dallas combras e habitaziuns existentas dil hotel. Quell’excepziun ei impurtonta per recaltgar capital agen. La secunda excepziun preveda che hotels san vegnir transformai suenter 25 onns en habitaziuns secundaras. La cundiziun persuenter ei ch’il menaschi sa buc vegnir menaus a moda economica.

Garanzia da possess
Per baghetgs ch’ein vegni construi avon ils 11 da mars 2012 duei la garanzia da possess valer. Ei stat pia liber al possessur da transferir in’emprema en ina secunda habitaziun. Quellas habitaziuns duein era saver vegnir sanadas, baghegiadas entuorn, engrondidas levamein ni contruidas da niev. Senza quellas pusseivladads vegnessen ils dretgs da nossa populaziun muntagnarda restrenschi sin ina moda nungesta e nunacceptabla. Tenor il sboz dalla lescha astgassen denton casas ni habitaziuns existentas buc vegnir transformadas en pliras habitaziuns. Quei muntass ch’ina casa veglia spaziusa da treis alzadas savess buc vegnir midada entuorn sin treis habitaziuns pintgas. Ina restricziun cumpleinamein nuncapeivla che sto vegnir midada.

Novs baghetgs
Per mei sco giuven ein novs baghetgs che vegnan construi egl avegnir d’immensa muntada. La lescha preveda ch’indigens che baghegian ina casa san ereger ina habitaziuns integrada (Einliegerwohnung). Quei ei zun legreivel ed impurtont. Tuttina dat ei damondas ch’ein aunc da sclarir, cunzun davart las perscripziuns co quellas habitaziuns integradas ein da schar a tscheins.

E tgei schabegia, sche la casa sto vegnir vendida in di, seigi quei per motivs da professiun, munconza da plazzas da lavur, divorzi, malsogna ni mortori. En biaras vischnauncas pauc turisticas dat ei ton sco negina fiera per habitaziuns primaras. Quei punct zun impurtont retscheiva deplorablamein buc l’attenziun meritada. Ei sto esser pusseivel ch’indigens san vender lur casas per in prezi commensurau. Speculaziuns ston vegnir impedidas, medemamein prezis da spot muort munconza d’ina fiera. Senza excepziuns vegnan las bancas a trer tier la finanziaziun il frein anetgamein. Quei savess haver in stop da habitaziuns secundaras e primaras per consequenza.
Il cumbat per ina lescha prudenta e raschuneivla ha pér entschiet. Igl entir process cuoza aunc in temps, drova bia pazienzia e cunzun forza da perschuasiun. Vid la birocrazia che nus creein cun quella lescha astgein nus gnanc patertgar. Lein sperar che silmeins quellas novas plazzas d’administraziun vegnan scaffidas ellas regiuns muntagnardas. La lescha ei memia impurtonta e centrala per nossas valladas che nus savein secuntentar memia spert cun sligiaziuns da cumpromis ed empermischuns fallidas. Il referendum da vart seniastra e verda ei garantius. Lein buc haver tema da tal e batter per nos basegns e per nos dretgs.

La Quotidiana, 5 da fenadur 2013
L’jamna vargada ha il cussegl federal tarmess il sboz per la lescha da secundas habitaziuns en consultaziun. Davart dallas regiuns da muntogna ei la lescha vegnida ludada, per miu gust empau fetg. La seniastra agescha ina ga dapli cun pauc giudezi per motivs categorics e fundamentalistics e smanatscha gia cun il referendum. Tochen ils 20 d’october cuoza la consultaziun. La fin 2013 ni l’entschatta 2014 duei il messadi per la nova lescha vegnir deliberaus dil cussegl federal per mauns dallas duas combras federalas. Igl ei tgunsch pusseivel che quella fatschenta vegn ad occupar il parlament duront igl entir onn proxim. Tgei ein ils pli impurtont puncts da quella lescha?

Hotellaria
Per la hotellaria ein duas excepziuns previdas. L’emprema excepziun lubescha da far habitaziuns secundaras per finanziar projects da hotel ni per segirar il menaschi d’in hotel. La surfatscha da quellas habitaziuns astga esser sil pli bia 20% dalla surfatscha dallas combras e habitaziuns existentas dil hotel. Quell’excepziun ei impurtonta per recaltgar capital agen. La secunda excepziun preveda che hotels san vegnir transformai suenter 25 onns en habitaziuns secundaras. La cundiziun persuenter ei ch’il menaschi sa buc vegnir menaus a moda economica.

Garanzia da possess
Per baghetgs ch’ein vegni construi avon ils 11 da mars 2012 duei la garanzia da possess valer. Ei stat pia liber al possessur da transferir in’emprema en ina secunda habitaziun. Quellas habitaziuns duein era saver vegnir sanadas, baghegiadas entuorn, engrondidas levamein ni contruidas da niev. Senza quellas pusseivladads vegnessen ils dretgs da nossa populaziun muntagnarda restrenschi sin ina moda nungesta e nunacceptabla. Tenor il sboz dalla lescha astgassen denton casas ni habitaziuns existentas buc vegnir transformadas en pliras habitaziuns. Quei muntass ch’ina casa veglia spaziusa da treis alzadas savess buc vegnir midada entuorn sin treis habitaziuns pintgas. Ina restricziun cumpleinamein nuncapeivla che sto vegnir midada.

Novs baghetgs
Per mei sco giuven ein novs baghetgs che vegnan construi egl avegnir d’immensa muntada. La lescha preveda ch’indigens che baghegian ina casa san ereger ina habitaziuns integrada (Einliegerwohnung). Quei ei zun legreivel ed impurtont. Tuttina dat ei damondas ch’ein aunc da sclarir, cunzun davart las perscripziuns co quellas habitaziuns integradas ein da schar a tscheins.

E tgei schabegia, sche la casa sto vegnir vendida in di, seigi quei per motivs da professiun, munconza da plazzas da lavur, divorzi, malsogna ni mortori. En biaras vischnauncas pauc turisticas dat ei ton sco negina fiera per habitaziuns primaras. Quei punct zun impurtont retscheiva deplorablamein buc l’attenziun meritada. Ei sto esser pusseivel ch’indigens san vender lur casas per in prezi commensurau. Speculaziuns ston vegnir impedidas, medemamein prezis da spot muort munconza d’ina fiera. Senza excepziuns vegnan las bancas a trer tier la finanziaziun il frein anetgamein. Quei savess haver in stop da habitaziuns secundaras e primaras per consequenza.
Il cumbat per ina lescha prudenta e raschuneivla ha pér entschiet. Igl entir process cuoza aunc in temps, drova bia pazienzia e cunzun forza da perschuasiun. Vid la birocrazia che nus creein cun quella lescha astgein nus gnanc patertgar. Lein sperar che silmeins quellas novas plazzas d’administraziun vegnan scaffidas ellas regiuns muntagnardas. La lescha ei memia impurtonta e centrala per nossas valladas che nus savein secuntentar memia spert cun sligiaziuns da cumpromis ed empermischuns fallidas. Il referendum da vart seniastra e verda ei garantius. Lein buc haver tema da tal e batter per nos basegns e per nos dretgs.

La Quotidiana, 5 da fenadur 2013
L’jamna vargada ha il cussegl federal tarmess il sboz per la lescha da secundas habitaziuns en consultaziun. Davart dallas regiuns da muntogna ei la lescha vegnida ludada, per miu gust empau fetg. La seniastra agescha ina ga dapli cun pauc giudezi per motivs categorics e fundamentalistics e smanatscha gia cun il referendum. Tochen ils 20 d’october cuoza la consultaziun. La fin 2013 ni l’entschatta 2014 duei il messadi per la nova lescha vegnir deliberaus dil cussegl federal per mauns dallas duas combras federalas. Igl ei tgunsch pusseivel che quella fatschenta vegn ad occupar il parlament duront igl entir onn proxim. Tgei ein ils pli impurtont puncts da quella lescha?

Hotellaria
Per la hotellaria ein duas excepziuns previdas. L’emprema excepziun lubescha da far habitaziuns secundaras per finanziar projects da hotel ni per segirar il menaschi d’in hotel. La surfatscha da quellas habitaziuns astga esser sil pli bia 20% dalla surfatscha dallas combras e habitaziuns existentas dil hotel. Quell’excepziun ei impurtonta per recaltgar capital agen. La secunda excepziun preveda che hotels san vegnir transformai suenter 25 onns en habitaziuns secundaras. La cundiziun persuenter ei ch’il menaschi sa buc vegnir menaus a moda economica.

Garanzia da possess
Per baghetgs ch’ein vegni construi avon ils 11 da mars 2012 duei la garanzia da possess valer. Ei stat pia liber al possessur da transferir in’emprema en ina secunda habitaziun. Quellas habitaziuns duein era saver vegnir sanadas, baghegiadas entuorn, engrondidas levamein ni contruidas da niev. Senza quellas pusseivladads vegnessen ils dretgs da nossa populaziun muntagnarda restrenschi sin ina moda nungesta e nunacceptabla. Tenor il sboz dalla lescha astgassen denton casas ni habitaziuns existentas buc vegnir transformadas en pliras habitaziuns. Quei muntass ch’ina casa veglia spaziusa da treis alzadas savess buc vegnir midada entuorn sin treis habitaziuns pintgas. Ina restricziun cumpleinamein nuncapeivla che sto vegnir midada.

Novs baghetgs
Per mei sco giuven ein novs baghetgs che vegnan construi egl avegnir d’immensa muntada. La lescha preveda ch’indigens che baghegian ina casa san ereger ina habitaziuns integrada (Einliegerwohnung). Quei ei zun legreivel ed impurtont. Tuttina dat ei damondas ch’ein aunc da sclarir, cunzun davart las perscripziuns co quellas habitaziuns integradas ein da schar a tscheins.

E tgei schabegia, sche la casa sto vegnir vendida in di, seigi quei per motivs da professiun, munconza da plazzas da lavur, divorzi, malsogna ni mortori. En biaras vischnauncas pauc turisticas dat ei ton sco negina fiera per habitaziuns primaras. Quei punct zun impurtont retscheiva deplorablamein buc l’attenziun meritada. Ei sto esser pusseivel ch’indigens san vender lur casas per in prezi commensurau. Speculaziuns ston vegnir impedidas, medemamein prezis da spot muort munconza d’ina fiera. Senza excepziuns vegnan las bancas a trer tier la finanziaziun il frein anetgamein. Quei savess haver in stop da habitaziuns secundaras e primaras per consequenza.
Il cumbat per ina lescha prudenta e raschuneivla ha pér entschiet. Igl entir process cuoza aunc in temps, drova bia pazienzia e cunzun forza da perschuasiun. Vid la birocrazia che nus creein cun quella lescha astgein nus gnanc patertgar. Lein sperar che silmeins quellas novas plazzas d’administraziun vegnan scaffidas ellas regiuns muntagnardas. La lescha ei memia impurtonta e centrala per nossas valladas che nus savein secuntentar memia spert cun sligiaziuns da cumpromis ed empermischuns fallidas. Il referendum da vart seniastra e verda ei garantius. Lein buc haver tema da tal e batter per nos basegns e per nos dretgs.

La Quotidiana, 5 da fenadur 2013